“Зажынкі”. Першы сноп – гаспадарок
З гэтым народным святам звязаны пачатак збору ўраджаю. Не буду падрабязна рассказваць пра ўвесь абрад, бо газета не адзін раз спавядала чытачам паходжанне і значэнне “зажынак”.
Першымі з сельгаспрадпрыемстваў раёна “Зажынкі” правялі ў філіяле “Стараград” ААТ “Кармааграсервіс”. У поле выйшлі некалькі камбайнаў, сабраліся гаспадары і госці. Удзельніцы фальклорнага ансамб-ля Стараградскага сельскага Дома культуры славілі камбайнераў, дырэктара ААТ “Кармааграсервіс” Сяргея Мікалаевіча Шведзенка песнямі і вершамі, якія прысвячаліся жніву. Яму затым і было прадастаўлена слова. Сяргей Мікалаевіч адзначыў некаторыя асаблівасці гэтай уборачнай, з якімі цяжкасцямі прыйшлося сутыкнуцца.
Намеснік старшыні Кармянскага райвыканкама Таццяна Валянцінаўна Шэхцер павіншавала ўсіх з пачаткам уборачнай, пажадала важкага ўраджаю.
Са словамі прывітання да прысутных звярнулася старшыня Стараградскага сельскага Савета Зінаіда Данілаўна Казачок.
Кіраўніку гаспадаркі С.М. Шведзенку быў прыпаднесены каравай.
Старэйшая ўдзельніца фальклёрнага калектыву, працоўны стаж якой быў звязаны з гаспадаркай, Вера Іванаўна Лупячэнка зажала першыя каласкі, сноп з іх яна ўручыла дырэктару.
Час хутка бяжыць, пачалося жніво, а значыць недалёка і да восені.
Віктар Ільюшчанка
Фота М. Багдановіча