Галоўныя асновы: традыцыі роднай зямлі

“Шануй чужое аж да пакланення,
Сваё любі да самазабыцця!”
Пятро Бітэль

Гэтыя радкі найбольш поўна адлюстроўваюць сумесную дзейнасць педагогаў, вучняў, бацькоў ДУА “Дубавіцкі дзіцячы сад-базавая школа”: адраджэнне духоўных традыцый, мясцовых абрадаў, выхаванне патрыятызму, любові да роднай вёскі, сям’і, павагі да аднавяскоўцаў, гонар за свой народ, краіну, край, у якім жывеш.

Сабраны і сістэматызаваны матэрыял па гісторыіі культуры населенага пункта, унікальны ў сваім родзе, актыўна выкарыстоўваецца ў адукацыйным працэсе. Інфармацыйныя стэнды “Адкуль радзіма наша”, “Старонкі школьнай гісторыі”, “Вогненныя гады вайны”, “Чарнобыльскі след” і іншыя знаёмяць са славутай гісторыяй малой радзімы. Фотавыстава “Мая вёска – мой лёс” зачароўвае прыгажосцю родных пейзажаў.
Асаблівае месца ў школе, дзе пануе непаўторная аўра, дзе па-сапраўднаму адпачывае душа – музейны пакой «Хата з матчынай душою». Экспазіцыі адлюстроўваюць побыт роднай вёскі 20 стагоддзя.
Масавае правядзенне народных святаў, абрадаў у нашай школе стала традыцыяй. А ў гэтым годзе 7 красавіка мы гасцінна запрасілі аднавяскоўцаў, гасцей з Лужкоўскай школы на Вялікодныя забавы. Тут панавалі і песні, і гульні, і святочны настрой.
Надзвычай важна закласці ў душах падрастаючага пакалення асновы духоўнасці, любові да роднага краю, каб яны пранеслі гэта праз усё жыццё, бо, як гаворыць народная мудрасць: “Чаму навучыліся ў гняздзе, тое будзе і ў палёце”.
А. Хадановіч, дырэктар школы