Дзень беларускага пісьменства ў наступным годзе пройдзе ў Рагачове
6 верасня 2015 года ў Шчучыне прайшоў 22 Дзень беларускага пісьменства, дзе беларусы змаглі ўбачыць больш тысячы рэдкіх (з прыватных калекцый) і папулярных кніг, газет, часопісаў, фатаграфій, рукапісаў і плакатаў.
Традыцыйна Дзень беларускага пісьменства праводзіцца ў гарадах, якія з’яўляюцца гістарычнымі цэнтрамі культуры, навукі , літаратуры і кнігадрукавання.
За час правядзення свята набыло агульнанацыянальны статус, стала значнай падзеяй ў культурным жыцці краіны.
Выдавецтвы прадставілі самыя лепшыя кнігі, якія атрымалі прызнан-не не толькі ў Беларусі, але і за яе межамі. Як узор – фотаальбом “Беларусь замкавая”, які выклікаў вялікую цікавасць на міжнароднай кніжнай выставе, якая праходзіла ў Маскве. Дарэчы, выданне атрымала гран-пры Нацыянальнага конкурса “Мастацтва кнігі”. Тады ж узнагародамі былі адзначаны 12 беларускіх выданняў – усе іх можна было ўбачыць у Шчучыне.
Галоўнай падзеяй стала адкрыццё ўзноўленнага палаца Друцкіх-Любецкіх. У ім размясціўся цэнтр творчасці дзяцей і моладзі, раённы музей і канферэнц-зала.
Інтэрактыўныя пляцоўкі па ўсяму гораду сталі асабліва знакавымі для Шчучына.
Асноўная ідэя мерапрыемства – беражлівае захаванне і развіццё духоўнай спадчыны Беларусі, прапаганда нацыянальных культурных традыцый, паказ іх узаемасувязі са славянскімі вытокамі і сучаснасцю, дэманстрацыя пастаяннага клопату дзяржавы аб духоўным развіцці грамадства ў падтрымцы кнігі і чытання, нацыянальнай літатаратуры і кнігавыдавецтва.
Горад Шчучын – адзін з гістарычных і культурных цэнтраў нашай краіны, які мае доўгую і цікавую гісторыю. Горадам па чарзе валодалі Радзівілы, затым Сціпіёны, Друцкія-Любецкія, пасля якіх засталіся замкі, сядзібы. Некаторыя з іх захаваліся да нашых дзён, такія як Шчучынскі палац.
Па словах міністра інфармацыі Ліліі Ананіч, сталіцай Дня беларускага пісьменства ў 2016 годзе стане горад Рагачоў. Такое рашэнне прыняў нацыянальны арганізацыйны камітэт па правядзенню гэтага дзяржаўнага свята.
Рагачоўшчына стала Радзімай многіх людзей, якія праславілі Беларусь. Парадуемся за нашых суседзяў!
ЗнС