ЧЫМ ЖЫЛА КАРМЯНШЧЫНА
4 верасня 1955 г. Вечарам у памяшканні Кармянскай беларускай школы пачаліся заняткі вячэрняй школы рабочай моладзі. Без адрыву ад вытворчасці тут будуць вучыцца 93 чалавекі.
4 верасня 1975 г. У школах раёна працуе 482 педагогі, 58 выхавацеляў, 24 старшых піянерважатых.
16 верасня 1975 г. Расце матэрыяльна-тэхнічная база калгасаў і саўгасаў раёна. Зараз у іх налічваецца 508 трактароў розных марак, 168 зернеўборачных камбайнаў, 119 бульбаўборачных і іншыя машыны.
27 верасня 1975 г. У нашым раёне гасцілі беларускія пісьменнікі – празаік і нарысіст Леанід Прокша і паэт Мікола Федзюковіч.
30 верасня 1975 г. 460 юнакоў і дзяўчат (студэнтаў эканамічнага факультэта Гомельскага дзяржаўнага ўніверсітэта) дапамагаюць хлебаробам нашага раёна ва ўборцы бульбы і правядзенні іншых сельскагаспадарчых работ.
5 верасня 1985 г. На цэнтральнай плошчы гарпасёлка ў святы людна. А ў суботу, 31 жніўня, тут адзначалася свята, якое не значыцца ні ў адным календары. Свята вуліцы імя Ільюшчанкі адкрывае старшыня выканкама пасялковага Савета Н.М.Жданава і прадстаўляе ганаровых гасцей, таксама жыхароў Кармы, сястру Ільюшчанкі Вольгу Андрэеўну і пляменніка В.І.Бандарэнку. Слухаюць расказ Васіля Іванавіча кармянцы і ўяўляюць той далёкі люты 1919 года, калі як песня на высокай ноце, былі абарваны жыцці іх земляка, начальніка міліцыі Кармянскага валаснога Савета І.А.Ільюшчанкі, маладога міліцыянера Ф.М.Давыдзенкі і члена рэўкома І.Г.Абатурава.
Многа могуць расказаць ветэраны аб тым, што мы ўжо называем гісторыяй. І кожнаму ўдзельніку свята вуліцы імя Ільюшчанкі цікава было даведацца, што цэнтральная вуліца гарадскога пасёлка да 1924 года называлася Журавіцкая…
Падрыхтавала
Кармянская цэнтральная раённая бібліятэка